बिहिबार, फाल्गुन १५, २०७६
शान्ति समाजद्वारा पाँच पुरस्कार स्थापना - नुवाकोट एक्स्प्रेस : मोफसलकै लोकप्रीय डिजिटल एक्स्प्रेस

शान्ति समाजद्वारा पाँच पुरस्कार स्थापना



काठमाडौँ, २ फागुन – मानव अधिकार तथा शान्ति समाजले स्व राधादेवी दाहाल, स्व श्रीप्रसाद दाहाल, स्व नारायण दाहाल, स्व जोगमाया बराल र स्व भूमिप्रसाद बराल स्रष्टा सौगात गरी पाँच पुरस्कार स्थापना गरेको छ ।

योसँगै शान्ति समाजले स्थापना गरेको पुरस्कार सङ्ख्या आठ पुगेको छ । स्रष्टा सौगात पुरस्कारअन्तर्गत प्रत्येक वर्ष साहित्यका विभिन्न विधामा योगदान गरेका पाँच जना स्रष्टालाई जनही रु १५ हजार नगद र सम्मानपत्रसहित पुरस्कृत गरिनेछ ।

पुरस्कार स्थापनार्थ नारायण दाहालका पनाति, श्रीप्रसाद दाहालका नाति र राधादेवी दाहालका पति विराटनगर निवासी प्रसिद्ध समाजसेवी बद्रीप्रसाद पहाडीले अक्षयकोष खडा गर्न रु चार लाख र भूमिप्रसाद बराल र जोगमाया बरालका छोरा शान्ति समाजका केन्द्रीय कोषाध्यक्ष रामकृष्ण बराल र अच्युत बरालले रु तीन लाख प्रदान गर्नुभएको सभापति उत्तम पुडासैनीले राससलाई जानकारी दिनुभयो ।

पुरस्कृत व्यक्तित्व छनोटका लागि शान्ति समाज केन्द्रीय कार्य समितिका सभापति पुडासैनीको संयोजकत्वमा वरिष्ठ उपसभापति गोविन्द खनाल, उपसभापतिद्वय विष्णुप्रसाद चापागाईं, रेनुका पौडेल, महासचिव सुशील बस्नेत, अनुशासन समितिका संयोजक डिकप्रसाद घिमिरे र कोषाध्यक्ष रामकृष्ण बराल सम्मिलित छनोट समिति गठन गरिएको छ ।

    हाम्रो टिम

    हाम्रो बारेमा

    नुवाकोट एक्सप्रेस डटकमको लागी
    सम्पादक: उमेश खनाल
    संवाददाता: असिमदोर्जे तामाङ
    संवाददाता: समिक भण्डारी
    संवाददाता: प्रविण थपलिया
    संवाददाता: उषा रेग्मी 
    संवाददाता: हरी भेटुवाल
    बिज्ञापन र समाचारको लागी सम्पर्क: 9849295617, 9808953040
    प्रेस काउन्सिल सुचिकृत नम्बर : ८२० / ०७५ / ०७६
    सूचना तथा प्रशारण विभाग दर्ता नम्बर:  १०९९ / ०७५ / ०७६
    ईमेल- [email protected]

Subscribe

© copyright 2019 and all right reserved to Nuwakot Express | Site By : SobizTrend Technology